ອີງຕາມທະນາຄານໂລກລາຍງານວ່າງເດືອນ
5 ປີ 2023 ກ່ຽວກັບບັນຫາຫຼັກທີ່ສົ່ງຜົນເຮັດໃຫ້ເງິນກີບເຟີ້ຢ່າງສູງໃນລາວມີສາມຂໍ້ຫຼັກດັ່ງນີ້:
1. ໜີ້ຕ່າງປະເທດ
ເຊິ່ງຈໍາເປັນຕ້ອງຊໍາລະໜີ້ເປັນເງິນຕາຕ່າງປະເທດ
2. ຂາດຜົນຜະລິດພາຍໃນ
ເປັນເຫດໃຫ້ລາວນໍາເຂົ້າສິ້ນຄ້າຈາກຕ່າງປະເທດໃນລາຄາແພງ
3. ຂາດເງິນຕາຕ່າງປະເທດ ຍ້ອນຂາດດຸນການຄ້າ ແລະ ຂໍ້ບົກຜ່ອງຂອງລະບົບການເງິນ. ສົ່ງຜົນໃຫ້ມີການຈໍາກັດໃນການແລກປ່ຽນເງິນຕາຕ່າງປະເທດ. ໃນເມື່ອເຮົາຂາດເງິນຕາຕ່າງປະເທດ
ທະນາຄານກໍຕ້ອງຈໍາເປັນຈໍາກັດການແລກປ່ຽນ. ຕົວຢ່າງຈໍາກັດການແລກເງິນກີບເອົາໂດ່ລາເປັນຕົ້ນ...
ເຂົາສະເໜີຂໍ້ແກ້ໃນໄລຍະສັ້ນຄື:
1. ເຈລະຈາກັບເຈົ້າໜີ້ຂໍຜ່ອນຜັນໜີ້
ຫຼື ໂຈະຊໍາລະໜີ້ຊົ່ວຄາວ ແລະ ເຈລະຈາກັບບໍລິສັດຕ່າງປະເທດທີ່ມີສັນຍາເວັ້ນພາສີ.
ສິບປີຜ່ານມາລັດມີນະໂຍບາຍເວັ້ນພາສີໃຫ້ກັບບໍລິສັດຕ່າງປະເທດທີ່ມາລົງທືນໃນລາວເຊິ່ງສົ່ງຜົນໃຫ້ລັດຂາດ ລາຍໄດ້ທີ່ເປັນເງິນຕາຕ່າງປະເທດຢ່າງມະຫາສານ.
ຖ້າແກ້ໄຂຂໍ້ນີ້ໄດ້ລັດກໍຈະມີເງິນຕາຕ່າງປະເທດຈໍານວນໜຶ່ງເພື່ອນໍາມາກະຕຸ້ນເສດຖະກິດໃນໄລຍະສັ້ນ.
2. ສົ່ງເສີມຜົນຜະລິດພາຍໃນຢ່າງເປັນຮູບປະທໍາ
ຜະລິດສິ້ນຄ້າສົ່ງອອກຕ່າງປະເທດຢ່າງເປັນຂະບວນ.
ປະເທດລາວຕິດກັນກັບຕະຫຼາດຈີນທີ່ໃຫຍ່ທີ່ສຸດໃນໂລກ ແຕ່ເຮົາບໍ່ມີຫຍັງໄປຂາຍໃນຕະຫຼາດນັ້ນເລີຍ.
3. ແກ້ໄຂບັນຫາການເງິນນອກລະບົບ. ເປັນຕົ້ນການແລກປ່ຽນເງິນຕານອກລະບົບ. ຕ້ອງແກ້ໄຂຂໍ້ນີ້ຢ່າງຈິງຈັງ.
