ພາສົມພາສາ ສັບວິທະຍາສາດ

ຄໍາສັບລາວທີ່ເປັນຄໍາສັບວິທະຍາສາດດ້ານມະຫັນຕະໄພ ຫຼື natural disaster? ມະຫັນຕະໄພໃນພາສາອັງກິດຮວມເຂົ້າກັນມີທັງຫມົດ 6 ປະເພດຄື:

1.   Geological disaster - ໄພທຳມະຊາດທີເກີດຈາກການເຄື່ອນໄຫວຈາກພື້ນດິນ. ຄໍາສັບວິທະຍາສາດໃນພາສາລາວເອີ້ນວ່າຫຍັງ? ຫຼືວ່າ ບໍ່ມີ? ຖ້າບໍ່ມີ, ເຮົາໃຊ້ຄໍາວ່າ “ທໍລະຕະໄພ” ໄດ້ບໍ່? ທໍລະ ມາຈາກ ທໍລະນີຫມາຍເຖິງດິນ, ຕະໄພ ກໍ່ຄື ໄພພິບັດ. ຕົວຢ່າງໄພດັ່ງກ່າວ:

·         Avalanche - ຫິມະຖະຫລົ່ມ? (ຄຳສັບວິທະຍາສາດເອີ້ນວ່າຫຍັງ?)

·         Earthquake - ແຜ່ນດິນໄຫວ (ຄຳສັບວິທະຍາສາດເອີ້ນວ່າຫຍັງ?)

·         Volcanic eruption - ພູເຂົາໄຟແຕກ ຫລືພູເຂົາໄຟລະເບີດ? (ຄໍາສັບວິທະຍາສາດເອີ້ນວ່າຫຍັງ?)

2.   Hydrological disaster - ແມ່ນໄພນໍ້າຖ້ວມ ຄໍາສັບວິທະຍາສາດ ແມ່ນ ອຸທົກກະໄພ ຫຼື ອຸທະກະໄພ. ຕົວຢ່າງດັ່ງກ່າວ:

·          Flood - ນໍ້າຖ້ວມ

·          Tidal wave -  ຄື້ນຍັກ, ຟອງຍັກ?

·         Tsunamis  -  ຄື້ນຍັກ ສຸນະມິ?

3.   Meteorological disaster - ຫມາຍເຖິງ ໄພພະຍຸລົມຝົນ, ແລະແຫ້ງແລ້ງ. ຄໍາສັບວິທະຍາສາດ ແມ່ນ ວາຕະໄພ. ຕົວຢ່າງ:

·         Blizzard - ພະຍຸຫິມະ?

·         Cyclonic storm -  ພະຍຸໄຊໂຄລນ, ພະຍຸລົມຝົນ?

·         Drought - ແຫ້ງແລ້ງ

·          Hailstorm - ພະຍຸຫມາກເຫັບ?

·         Heat wave - ຄື້ນຮ້ອນ, ກະແສອັກຄີ, ກະແສຮ້ອນ?

·         Tornado - ລົມຍັກຫົວກຸດ, ຈະວ່າລົມຜິຫົວກຸດ ກໍບໍ່ຖືກປານໃດເນາະ ມັນບໍ່ແມ່ນ ລົມຜີຫົວກຸດນ້ອຍໆ ຄືຢູ່ບ້ານເຮົາທີ່ຕອນຍັງນ້ອຍພາກັນໄລ່ເອົາຕີນຢຽບ, ອັນນີ້ລອງໄປໄລ່ເອົາຕີນຢຽບມັນເບິ່ງຕີ, ມັນບໍ່ຈັບຂາແກວ່ງຂຶ້ນເທິງຟ້າໄປຢາມພະຍາແຖນກະລອງເບິ່ງ. J

·         Hurricane - ລົມພະຍຸ?

·         Twister - ລົມຫົວກຸດ?

4.   Fire disaster - ຫມາຍເຖິງໄພໄຟໄຫມ້. ຄໍາສັບວິທະຍາສາດແມ່ນ ອັກຄືໄພ. ຕົວຢ່າງ:

·         Wildfire and bushfire - ໄຟໄຫມ້ປ່າ?

5.    Health disaster – ຫມາຍເຖິງໂລກໄພໄຂເຈັບ, ໂລກຕິດຕໍ່. ຄໍາສັບວິທະຍາສາດເອີ້ນຫຍັງ? ຫຼືຈະເອີ້ນ ໂຣຄະໄພ ໄດ້ບໍ່? ໂຣຄະ ມາຈາກ ໂຣຄະ, ໂຣຄາ (ໂລກ) ຫມາຍເຖິງ ພະຍາດ. ຕົວຢ່າງ:

·         Epidemic - ໂລກລະບາດ? (ຄຳສັບວິທະຍາສາດເອີ້ນວ່າແນວໃດ?) ຫລື ນີ້ແລະຄືຄຳວິທຍາສາດ. ຜູ້ຂຽນຫາກເງິກເອງ. :-D

·         Famine - ໂລກຂາດອາຫານ? ໂລກອຶດຫິວ, ໂລກອຶດຢາກ? (ຄຳສັບວິທະຍາສາດເອີ້ນວ່າແນວໃດ?)

6.   Space disaster – ຫມາຍເຖິງໄພເກີດຈາກສິ່ງໃດສິ່ງ ຫນຶ່ງຕົກຈາກອາວະກາດ ຖະລົ່ມລົງໃສ່ໂລກ. ຄໍາສັບວິທະຍາສາດແມ່ນ ໄພອາວະກາດ ບໍ? ຫຼືມີຄໍາສັບອື່ນ? ຖ້າບໍ່ມີ, ຈະເອີ້ນ ອາວະໄພ ໄດ້ບໍ່? ຕົວຢ່າງໄພດັ່ງກ່າວ:

·         Impact event - ເຊັ່ນ asteroid (ດາວເຄາະ), meteor (ດາວຕົກ?) ຕົກຖະຫລົ່ມໂລກ