ລັກເບິ່ງເຕະບານ

ກິລາເຕະບານເປັນຕົ້ນບານໂລກ world cub ແມ່ນທົ່ວໂລກເຂົາເບິ່ງກັນ, ບາງປະເທດຕີກັນຕາຍຍ້ອນ ແຕ່ສະເພາະ ຢູ່ອະເມຣິກາ ຄົນສ່ວນໃຫຍ່ແມ່ນບໍ່ຄ່ອຍສົນໃຈປານໃດ. ເຂົາບໍ່ມັກເບິ່ງເພາະເຂົາຄຶດວ່າ ມັນ ບໍ່ຄຶກຄັກບໍ່ມ່ວນເວົ້າງ່າຍໆໃນພາສາເຂົາກໍ່ຄື very boring ແຕ່ຖ້າແມ່ນ American football ປາດໂທ ໂສ້ເຫຼ້ກັນຫມົດມື້ກະໄດ້. ຄືວ່າຫັ້ນແລະເນາະມັກໃຜມັກມັນ. ແຕ່ສໍາຄັນສິ່ງທີ່ເຮົາມັກ ກະບໍ່ຄວນມາຫ້າມກັນບໍ່ໃຫ້ເບິ່ງ ເພາະ ໂຕເອງບໍ່ມັກນໍາ. ເຊັ່ນຕົວຢ່າງ ຫົວຫນ້າ ຜູ້ຂ້າ ຫັ້ນແລ້ວ, ມື້ນີ້ຍ່າງກາຍໄປກາຍມາເຫັນ ເຮົາເບິ່ງ ເຕະບານ ລະຫວ່າງ Mexico ກັບ Cameroon, ທີ່ຈິງເຮົາກະລັກເບິ່ງ ບໍ່ໄດ້ຢາກໃຫ້ຫົວຫນ້າຮູ້ແຕ່ ຫົວຫນ້າພັດເປັນຄົນລ່ວງແນ່ກໍ່ເລີຍຮູ້ວ່າເຮົາລັກເບິ່ງ. ທໍາອິດກະທໍາທ່າຍ່າງກາຍໄປກາຍມາ, ເຮັດຄືຫລົງນັ້ນລືມນີ້ຢູ່ຫນ້າຫອງການເຮົາ, ທີ່ຈິງເພິ່ນຢາກທ້ວງເຮົາອັນໃດອັນຫນຶ່ງ…ແຕ່ເຮັດທໍາທ່າຍ່າງກາຍໄປກາຍມາຢູ່, ສຸດທ້າຍ ສົງໄສເພິ່ນອົດບໍ່ໄດ້ຕີ້ເລີຍເຮັດເປັນສົ່ງຮອຍຍີ້ມມາໃສ່ແບບຫວານໆ ແລ້ວຖາມວ່າ:

ຫົວຫນ້າ: hey pete, how are you doing today? do you know about world cup right?  ເຮີຍພິດ, ເປັນຈັ່ງໃດມື້ນີ້, ເຈົ້າຮູ້ຈັກບານໂລກຢູ່ຫວາ?

ຂ້ອຍ: yes. why?  ໂດຍຮູ້ຢູ່, ເປັນຫຍັງ?

ຫົວຫນ້າ: do you watch it?  ເຈົ້າກະເບິ່ງຢູ່ເບາະ?

ຂ້ອຍ: yes, why?  ໂດຍເບິ່ງຢູ່, ເປັນຫຍັງ?

ຫົວຫນ້າ: I meant are you watching it now. ຂ້ອຍຫມາຍຄວາມວ່າເຈົ້າກໍາລັງເບິ່ງຢູ່ເບາະ?

ຂ້ອຍ: no why?  ບໍ່ນ່າ, ເປັນຫຍັງ?

ຫົວຫນ້າ: but, I just saw you were watching it a few minutes ago.  ແຕ່ວ່າຂ້ອຍພານຕາ ເຫັນເຈົ້າເບິ່ງຢູ່ໄດ໋ ວ່າງກີ້ນີ້ນາ.

ຂ້ອຍ: oh really? but it’s ok right? you know, people all over the world are watching it.  ໂອ້, ແທ້ບໍ? ແຕ່ ກະບໍ່ເປັນຫຍັງຕີເນາະ, ເຈົ້າຮູ້ບໍ່ຄົນທົ່ວໂລກເຂົາກະເບິ່ງກັນຫມົດທຸກຄົນ.

ຫົວຫນ້າ: that’s crazy, who’s playing?  ພາກັນບ້າກັນທົ່ວໂລກເລີຍເນາະ. ໃຜຫລິ້ນກັບໃຜລະ?

ຂ້ອຍ: Mex vs Cameroon ແມັກ ກັບ ແຄມເມີຣູນ

ຫົວຫນ້າ: who won? ໃຜຊະນະ?

ຂ້ອຍ: still playing… ຍັງບໍ່ມີໃຜເທື່ອ

ຫົວຫນ້າ: what’s score? ຈັກຄະແນນ ລະ?

ຂ້ອຍ: zero zero ສູນ ສູນ

ຫົວຫນ້າ: no score? let me see, oh wow! Over an hour and no one scores.  that’s boring.  ບໍ່ມີໃຜໄດ້ຄະແນນ? ບະ ເບິ່ງຂ້ອຍເບິ່ງດຸ, ໂອ ວ້າວ!  ຫລິ້ນກັນຊົ່ວກວ່າແລ້ວ ຍັງບໍ່ມີໃຜໄດ້ຄະແນນວ່າ ນິ? ຈັ່ງແມ່ນເປັນຕາເບື່ອເນາະ

ຂ້ອຍ: yeah? but I like it.  ເອີ…ແຕ່ວ່າ ຂ້ອຍກະມັກໄດ໋ລະ.

ຫົວຫນ້າ: you are crazy, why watching some men running up and down trying to kick the ball back and forth and at the end no one scores.  ເຈົ້າເປັນບ້າແລ້ວຕີ້, ເປັນຫຍັງມັກເບິ່ງຜູ້ຊາຍແລ່ນຂຶ້ນແລ່ນລົງ ໄລ່ເຕະບານ, ເຕະໄປເຕະມາ ສຸດທ້າຍກະບໍ່ມີໃຜໄດ້ຄະແນນຫຍັງ.

ຂ້ອຍ: it’s complicated than that. ມັນເລິກເຊິ່ງໄປ ກວ່ານັ້ນນ່າ…

ຫົວຫນ້າ: seems boring to me. turn it off and do some work ok.   ສະເພາະຂ້ອຍແມ່ນຫນ້າເບື່ອ, ປິດສະ ແລ້ວຫາເຮັດວຽກແນ່, ໂອເຄ.

ຂ້ອຍ: ບະ ອີ່ນາຍຫົວຫນ້າອັນນີ, ບໍ່ມັກ ຍັງມາຫ້າມຫມູ່ບໍ່ໃຫ້ເບິ່ງອີກ.  ຢ່າໃຫ້ກູໄລ່ ກູເອງອອກ ການເດີ ຮ້ວຍຍ.   

ຫົວຫນ້າ: what did you just say?  ເຈົ້າເວົ້າຫຍັງເກາະ?

ຂ້ອຍ: nothing, I said you look beautiful today.  ບໍ່ໄດ້ເວົ້າຫຍັງ, ຂ້ອຍເວົ້າວ່າມື້ນີ້ເຈົ້າງາມຫລາຍ.

ຫົວຫນ້າ: oh, thank you!   ໂອ້, ຂອບໃຈເດີ.

ຂ້ອຍ: sure. ເອີ. (ຕອບແບບບໍ່ພໍໃຈ)