ຄໍາລາວ ການທຽບຄໍາ

ພາສາລາວມີຫລາຍຄໍາທີ່ມີສຽງດຽວກັນ ແລະຫລາຍຄົນ (ຮວມທັງຂ້າພະເຈົ້າເອງ) ກໍ່ມັກຂຽນຜິດຂຽນຖືກຕະຫລອດ. ເຊັ່ນ ທົ່ວ ແລະ ຖົ່ວ, ຂ່າ ແລະ ຄ່າ, ແຜ່ ແລະ ແພ່ ແລະອື່ນໆ. ທີ່ຈິງເພິ່ນມີຫລັກການຫລື ວິທີແນະນໍາໃນການຂຽນຄໍາດັ່ງກ່າວໂດຍທຽບໃສ່ສໍານວນ ຄໍາສັບປະສົມທີ່ມີໃນພາສາລາວ. ໃນພາສາລາວເຮົາມີຄໍາສັບປະສົມ ຢ່າງຫລວງຫລາຍທີ່ສະກົດໂດຍພະຍັນຊະນະດຽວ ກັນແລະມີຄວາມຫມາຍຄ້າຍຄຽງກັນ, ເຊັ່ນ: ຄຸນຄ່າ, ທ່ົວທີບ. ເຜີຍແຜ່, ແຜ່ຜາຍ ແລະອື່ນໆ. ເພາະສະນັ້ນບາງຄໍາເຮົາສາມາດທຽບໃສ່ສໍານວນຂອງຄໍາສັບປະສົມ ດັ່ງກ່າວໄດ້. ຕົວຢ່າງ:

1.   ຂ່າ ຫລື ຄ່າ ທຽບໃສ່ ຂ່າຂີງ, ຄຸນຄ່າ

2.   ຂູ່ ຫລື ຄູ່ ….ທຽບໃສ່ ຂົ່ມຂູ່ ຄູ່ຄຽງ ຄູ່ຄອງ

3.   ສໍ່ ຫລື ຊໍ່ ….ທຽບໃສ່ ສັບສໍ່

4.   ສັ່ງ ຫລື ຊັ່ງ ….ທຽບໃສ່ ສັ່ງສອນ, ຊັ່ງຊາ

5.   ສ່ອງ ຫລື ຊ່ອງ ….ທຽບໃສ່ ສ່ອງເເສງ ( ສອດສ່ອງ )

6.   ສິ້ນ ຫລື ຊິ້ນ …..ທຽບໃສ່ ສິ້ນສຸດ

7.   ເສື່ອມ ຫລື ເຊື່ອມ ….ທຽບໃສ່ ເສື່ອມເສັຽ

8.   ຊ່ຽວ ຫລື ສ່ຽວ  …ທຽບໃສ່ ຊ່ຽວຊານ,

9.   ຖ່ອງ ຫລື ທ່ອງ ….ທຽບໃສ່ ທ່ອງທ່ຽວ

10. ຖ່າ ຫລື ທ່າ ….ທຽບໃສ່ ທ່າທີ, ທ່າທາງ

11. ເເຜ່ ຫລື ເເພ່ ….ທຽບໃສ່ ເເຜ່ຜາຍ, ເເພ່ພື (ຝັງສາຍເເຮ່ເເພ່ສາຍບື)

12. ຜ່າຍ ຫລື ພ່າຍ ….ທຽບໃສ່ ພ່າຍເເພ້

13. ມົ່ນ ຫລື ຫມົ່ນ ….ທຽບໃສ່ ຫມົ່ນຫມອງ

14. ລໍ່ ຫລື ຫລໍ່ ….ທຽບໃສ່ ຫລໍ່ຫລອມ, ຫລໍ່ເຫລົາ

15. ຫ່າ ຫລື ຮ່າ ….ທຽບໃສ່ ຫ່າຫູງ (ເຊັ່ນ: ຜີຫ່າຜີຫູງ ຫລື ຕາຍຫ່າຕາຍຫູງ)

16. ເເຫ່ ຫລື ແຮ່ ….ທຽບໃສ່ ເເຫ່ເເຫນ

1.   ຫໍ່າ ຫລື ຮໍ່າ ….ທຽບໃສ່ ຮໍ່າຮຽນ

ແລະອື່ນໆ…

ປສ. 2013