ມືດຕຶບ: ອີ່ພໍ່ອີ່ແມ່ຕີກັນ

ຕໍ່ຈາກ ມືດຕຶບຂໍຂຶ້ນຫ້ອງ ປ 4.  ມືດຕຶບໄດ້ຂຶ້ນຫ້ອງປໍ່4ສົມໃຈແທ້. ເອື້ອຍຄູຖາມເລຶ່ອງ ງົວມີນົມ ສີ່ອັນມືດຕຶບກະຕອບຖືກ ຖາມເລຶ່ອງໃນສົງຜູ້ຍິງ ມີຫຍັງມືດຕຶບກະຕອບຖືກອີກ. ຄະນາດອາຈາຣໃຫຍ່ຍັງຕອບຜິດເລີຍ. ມືດຕຶບດີໃຈຫລາຍໄດ້ຂຶ້ນຫ້ອງສົມໃຈ, ກັບບ້ານກິນເຂົ້າແລງແລ້ວກໍເຂົ້ານອນຫລັບປານຕູ້ສີເມົາເຫຼົ້າບອງຢາບັມລຸງ. :-D

ນອນກໍາລັງແຊບພັດມີສຽງດັງກອກໆແກກໆມາຈາກຫ້ອງນອນຂອງອີ່ພໍ່ອີ່ແມ່ ພາໃຫ້ມືດຕຶບສວດຕື່ນຕົກໃຈ. ທໍາອີດມືດຕຶບກໍບໍ່ສົນໃຈປານໃດດອກເພາະນືກວ່າ ເປັນສຽງແມວໄລ່ຕີຫນູຊື່ໆ. "ແມວກັບຫນູພວກສູກະຈັ່ງແມ່ນຕີກັນແຮງນໍ!" ມືດຕຶບຈົ່ມແລ້ວກໍຫລັບຕໍ່. ແຕ່ບໍ່ພໍຫ້ານາທີສຽງກໍເລີ້ມດັງແຮງຂຶ້ນຄືກັບວ່າມີໃຜເອົາຫຍັງ ໄປທຸບໄປຖູໃສ່ພື້ນເຮືອນນີ້ແຫລະ, "ຮວຍ…ບໍ່ແມ່ນອີ່ພໍອີ່ແມ່ເພີ່ນຕີກັນບໍ, ຄືຊິມາຕີກັນທຸກຄືນແທ້?" ເວົ້າແລ້ວມືດຕຶບກໍ ລຸກມະໂຄ່ງມະເຄ່ງສີຫູສີຕາຍ່າງ ຊ໊ອກແຊ໋ກໄປສ່ອງເບິ່ງວ່າມັນແມ່ນອີ່ຫຍັງກັນແທ້.
ບັງເອີນຫ້ອງນອນບໍ່ໄດ້ໃສ່ກອນ, ມືດຕຶບເຫັນບໍ່ລໍຊ້າໄຂປະຕູເຂົ້າໄປທັນທີ,
ເປີດໄຟຂຶ້ນປຶບກໍເຫັນແມ່ນັ່ງໂຄມທ້ອງນ້ອຍອີ່ພໍ່ຢູ່:

ມືດຕຶບ: ອ໋າວ...ອີ່ແມ່ກໍາລັງເຮັດຫຍັງໃຫ້ອີ່ພໍຫັ້ນນ່າ?
ແມ່: ເອີ….ເອີ…ໂອ້..ລູກເອີຍ, ພໍ່ເຈົ້າດຽວນີ້ລາວຕຸ້ຍຫລາຍທ້ອງກະໃຫຍ່
ແມ່ກະເລີຍນັ່ງເຕັງທ້ອງພໍ່ເຈົ້າໃຫ້ມັນແປລົງຫັ້ນຕວ໋າ. :3
ມືດຕຶບ: ໂອ່ຍ..ອີ່ແມ່ເອີຍໆ...ບໍ່ຕອ້ງນັ່ງເຕັງໃຫ້ເສຍເວລາກະໄດ໋. ອຶດລັບອຶດນອນລ້າໆ.
ເຕັງແປລົງ…ນ້າສາວຂ້າງບ້ານລາວກະມາກຸມເປົ່າຂຶ້ນອີກ. ມື້ວານນີ້ລາວກະມາເປົ່າທ້ອງ
ອີ່ພໍ່ຄືກັນໄດ໋. >:O ຕອນອີ່ແມ່ໄປຕະຫລາດຫັ້ນກໍ້.

ບຸບບບ…ຕືງງງງງ…ສຽງອີ່ພໍຕົກຕຽງ. :-O
ມືດຕຶບເຫັນກໍ່ໄດ້ແຕ່ຢືນເປັນອັດສະຈັນໃຈແທ້…ອີ່ແມ່ຢັນອີ່ພໍ່ຕົກຕຽງ…

ປສ 2005