ມືດຕຶບ: ເອື້ອຍຄູເອົາແປ້ງເຢັນທາຫນ້າ

ເອື້ອຍຄູເອົາແປ້ງເຢັນທາຫນ້າ

ກິນເຂົ້າທ່ຽງແລ້ວຮຽບຮ້ອຍມືດຕຶບກໍກັບໄປໂຮງຮຽນ, ພໍໄປຮອດເດີ່ນ ໂຮງຮຽນ, ເຫັນເອື້ອຍຄູນັ່ງຢູ່ກ້ອງຮົ່ມໄມ້ກໍາລັງ ຮັກສາໄບຫນ້າໂດຍມີການລ້າງ ຫນ້າແບບເອົາແປ້ງເຢັນ (cold cream) ທາຫນ້າ, ທາປະໄວ້ປະມານຫນຶ່ງນາທີຫຼືສອງນາທີແລ້ວຫລັງຈາກນັ້ນກໍເຊັດແປ້ງນັ້ນອອກ.
ມືດຕຶບເຫັນເອື້ອຍຄູກໍາລັງເອົາແປ້ງເຢັນທາຫນ້າຢູ່ເລີຍຍ່າງເຂົ້າໄປຖາມ:
ມືດຕຶບ: ຄືເອົາແປ້ງເຢັນທາຫນ້າລະເອື້ອຍຄູ, ຫນ້າເອື້ອຍຄູຮ້ອນຫລາຍບໍ?
ເອື້ອຍຄູ: ລ້າງແປ້ງເຢັນເພື່ອເຮັດໃຫ້ໃບຫນ້າຂາວງາມ,
ບໍ່ແມ່ນຍ້ອນຫນ້າເອື້ອຍຄູຮ້ອນດອກ. ຖາມໂລເລຫລາຍ…ມືດຕຶບ,
ໄປໆ..ໄປເຂົ້າຫ້ອງໄປ…ມາຫາວົນວາຍຄູຢູ່ນີ້.

ມືດຕຶບກໍາລັງຊິຍ່າງໄປເຂົ້າຫ້ອງຮຽນແຕ່ພໍດີເຫັນເອື້ອຍຄູເອົາຜ້າແພນ້ອຍເຊັດແປ້ງເຢັນ ນັ້ນອອກຈາກຫນ້າເລີຍທ້ວງຂຶ້ນຫມົດແຮງວ່າ:
ມືດຕຶບ: ຂ້ານ້ອຍຄຶດຢູ່..ວ່າມັນບໍ່ໄດ້ຜົນດອກ. ທາໄປແຮງຂີ້ຮ້າຍກວ່າເກົ່າ.
ເຊັດຖິ້ມຫັ້ນແຫລະດີແລ້ວເອື້ອຍຄູເອີຍ. ແລ້ວຢ່າຊື້ມາໃຊ້ອີກເດີ…
ເສຍດາຍເງິນຕາງເອື້ອຍຄູດອກວາ.
ເອື້ອຍຄູ: >:O

ປສ 2005