ມືດຕຶບ: ຕອບຄໍາຖາມເອື້ອຍຄູ

ຕໍ່ຈາກ ມືດຕຶບກັບເອື້ອຍຄູ:
ພໍຮອດໂມງຮຽນປັບເອື້ອຍຄູກໍບໍ່ລໍຊ້າຍົກຄໍາຖາມມາຖາມນັກຮຽນໂລດ.
"ເມື່ອຄົນເຮົາຕາຍໄປຂຶ້ນສະຫວັນແມ່ນຫຍັງຊິຖືກຂຶ້ນໄປກ່ອນ, ຫົວ, ແຂນ, ມື ຫຼື ຂາ?"
ເອື້ອຍຄູຖາມສຸດປຶບ, ມືດອື້ຕື້ ກໍຍົກມືຂຶ້ນທັນທີແລ້ວຕອບວ່າ:
ມືດອື້ຕື້: ຂະນ້ອຍວ່າ ຕ້ອງແມ່ນ ມື.
ເອື້ອຍຄູ: ເປັນຫຍັງ ມືດອື້ຕື້ ຈຶ່ງຄິດວ່າແມ່ນມືຈະໄດ້ຂຶ້ນໄປກ່ອນລະ?
ມືດອື້ຕື້: ເພາະວ່າເວລາເຮົາອາທິຖານຮ້ອງຫາພະເຈົ້າເຮົາຈະເອົາມືນົບໃສ່ຫົວກ່ອນຫັ້ນເດ.
ພະເຈົ້າກໍຕ້ອງຈັບເອົາມືເຮົາຂຶ້ນກ່ອນຊັ້ນຕວ໋າ.
ເອື້ອຍຄູ: ຕອບໄດ້ດີຫລາຍນ້ອງມືດອື້ຕື້.
“ມືດຕຶບເດ, ມີຄໍາຕອບນໍາຫມູ່ຢູ່ບໍ?” ເອື້ອຍຄູເຫັນມືດຕຶບນັ່ງຫາວນອນ ວາບໆຢູ່ກໍເລີຍຖາມ. ມືດຕຶບເຫັນເອື້ອຍຄູຖາມມາດັ່ງນັ້ນກໍສີຫູສີຕາແລ້ວຕອບວ່າ:

ມືດຕຶບ: ຂະນ້ອຍວ່າ..ຂາ ເດີເອື້ອຍຄູຊິໄດ້ຂຶ້ນສະຫວັນກ່ອນມື.
ເອື້ອຍຄູ: ອ້າວ…ຄືຕອບວ່າຂາຈະໄດ້ຂຶ້ນໄປກ່ອນລະ…ລອງອະທິບາຍມາເບິ່ງດຸ?
ມືດຕຶບ: ຂະນ້ອຍບໍ່ຮູ້ນໍາເດີອັນເລຶ່ອງເອົາມືນົບມືໄຫວ້ອະທິຖານຫັ້ນນະ, ມື້ຄືນນີ້ຂະນ້ອຍຍ່າງກາຍຫ້ອງນອນອີ່ພໍ່ອີ່ແມ່ເຫັນອີ່ແມ່ນອນເອົາຂາຊີ້ຂຶ້ນ ຟ້າປ່າງງ່າງອາທິຖານຮ້ອງຫາພະເຈົ້າ…ໂອ້ພະເຈົ້າ
ໂອ້ພະເຈົ້າ…(ໂອ້..ມາຍກ໋ອດ, ໂອ້ມາຍກ໋ອດ)ຢູ່ໄດ໋ລະ,ບໍ່ເຫັນລາວຊິເອົາ ມືນົບມືໄຫວ້ອິຫຍັງ, ໄຄແຕ່ອີ່ພໍ່ລາວນອນເຕັງອີ່ແມ່ໄວ້, ໂອ້ຍໆ..ບໍ່ຊັ້ນແມ່ນພະເຈົ້າ ຫິ້ວເອົາ ຂາອີ່ແມ່ຂຶ້ນສະຫວັນໄປແລ້ວ....ຂາຊີ້ຟ້າຮ້ອງອາທິຖານ ໂອ້ກ໋ອດ ໂອ້ກ໋ອດ ຢູ່ບໍ່ເຊົາປານນັ້ນ. :-D
ເອື້ອຍຄູ: ພໍ ພໍ...ພໍແລ້ວ. ບໍ່ຈໍາເປັນອະທິບາຍຍາວປານນັ້ນກະໄດ້. -_-

ປສ 2005