ໄມ້ກະລັນ

ອ່ານເບິ່ງຄໍາເຫັນແຕ່ລະຄໍາເຫັນ ແມ່ນພາກັນນອກເລຶ່ອງເປັນແຖວໆ,  ເອົາເປັນວ່າຈະບໍ່ຂໍກ່າວເຖິງເລຶ່ອງຫຼັກເຄົ້າ ຫຼັກສຽງ ເພາະຖຽງກັນມາຈົນຫຼາຍປີແລ້ວ.  ຈະຂໍຕອບຄໍາຖາມກ່ຽວກັບໄມ້ກະລັນ, ເຊິ່ງຄໍາຖາມໆວ່າ ຄວນໃຊ້ ຫລືບໍ່ຄວນ, ແລະມີຫຼັກການໃຊ້ມາກ່ອນບໍ່?

1.   ສູດໄວຍາກອນພາສາລາວສະໄໝກ່ອນແລະ ປັດຈຸບັນແມ່ນບໍ່ເຄີຍສອນເລຶ່ອງໄມ້ກະລັນ. ເວົ້າໄດ້ວ່າ ບໍ່ມີໃນສູດໄວຍາກອນພາສາລາວທີ່ເປັນທາງການ. ເວົ້າມາຮອດນີ້ ບາງຄົນອາດ ແປກໃຈ,,,ຮ້ວຍຄືເວົ້າແນວນັ້ນ ຊັ້ນຄົນລາວເຮົາໄປເອົາໄມ້ກະລັນມາແຕ່ໃສ? ເລຶ່ອງນີ້ຖ້າເຮົາເຂົ້າໃຈເລິກເຊິ່ງກ່ຽວກັບບັນຫາພາສາລາວ ແລະການດັດແກ້ ດັດແປງ ຫລື ການພັດທະນາພາສາໃນຫຍຸກກ່ອນເຮົາກໍ່ຈະເຂົ້າໃຈດີ. ໄມ້ກະລັນແມ່ນມາຈາກຫລັກການສະກົດຕາມເຄົ້າ ທີ່ພຸດ​ທະ​ບັນດິດ​ສະພາ​ຈັນທະບູລີ ດັດແປງເຂົ້າກັບໄວຍາກອນເຄົ້າແບບລາວໆ, ຄິດວ່າໃນສະໄຫມເຈົ້າເພດຊະຣາດຕົ້ນປີ 1930. ແບບລາວໆ ຫມາຍຄວາມວ່າ ໃຊ້ອັກສອນລາວສະໄຫມໃຫມ່ສະກົດ, ແຕ່ກ່ອນແມ່ນໃຊ້ຕົວທໍາ ສະກົດຕາມເຄົ້າປາລີ. ແຕ່ຫລັກສູດເຄົ້າດັ່ງກ່າວແມ່ນໃຊ້ກັນແຕ່ ພາຍໃນສະຖາບັນສາດສະຫນາຫລືກຸ່ມພາກສ່ວນທີ່ຮັບຜິດຊອບດ້ານ ແປ, ຫລືແກະ ວັນນະຄະດີບູຮານທີ່ເປັນຕົວທໍາ. ທ່ານໃດເຄີຍເຂົ້າໂຮງຮຽນວັດ, ເຄີຍບວດແມ່ນຮູ້ດີເລຶ່ອງນີ້. ສ່ວນຫລັກສູດທີ່ກະຊວງສຶກສາຮັບຮອງເປັນທາງການ ແລະນໍາໃຊ້ກັນທົ່ວປະເທດນັ້ນບໍ່ວ່າ ສະໄຫມໃດແມ່ນບໍ່ມີໄມ້ກະລັນ.

2.   ຄໍາຖາມ ໃນເມື່ອໄມ້ກະລັນບໍ່ມີໃນຫລັກໄວຍາກອນລາວ, ເພື່ອເປັນເອກະພາບເຮົາຄວນໃຊ້ ຫລືບໍ່ໃຊ້? ກ່ຽວກັບປະເດັນນີ້ ສ່ວນຕົວແມ່ນບໍ່ເຄີຍໃຊ້ ແລະຈະບໍ່ໃຊ້ໃນຄໍາສັບລາວ ບໍ່ວ່າຈະເປັນຄໍາແຜງຫລືຄໍາແປງ ເພາະມັນບໍ່ແມ່ນຫລັກການສະກົດໃນສູດໄວຍາກອນລາວ.  ແຕ່ຖ້າຢາກໃຫ້ໃຊ້ ຫລືມີການແນະນໍາໃຫ້ໃຊ້, ຂ້າພະເຈົ້າແມ່ນເຫັນດີໃຫ້ກໍານົດໃຊ້ສະເພາະແຕ່ ຫລັກການສະກົດທັບສັບ ຄໍາຕ່າງປະເທດ ທີ່ຍັງບໍ່ທັນໄດ້ແຜງມາເປັນຄໍາລາວເທື່ອ. ສາເຫດກໍ່ເພື່ອສື່ໃຫ້ຜູ້ອ່ານຮູ້ວ່ານັ້ນຄືຄໍາຕ່າງປະເທດ.

ແລະເລຶ່ອງສະກົດຕາມເຄົ້າກໍ່ຄືກັນ, ນັກປາດ ອາຈານລາວເຮົາ ຫລາຍຊົ່ວຄົນ ໄດ້ໂຕ້ຖຽງກັນມາຫລາຍຕໍ່ຫລາຍແລ້ວ, ສາເຫດທີ່ເພິ່ນບໍ່ອະນຸຍາດໃຫ້ນໍາໃຊ້ເປັນທາງການນັ້ນກໍ່ເພາະຍ້ອນຄວາມ ຮັກພາສາລາວ, ຄວາມເປັນເອກະລາດ, ເປັນຊາດຂອງຕົນເອງ, ພາສາລາວ ແລະອັກສອນລາວ ແລະຫລັກໄວຍາກອນລາວ ກໍ່ຕ້ອງເປັນເອກະລາດຂອງລາວເຮົາ. ບໍ່ແມ່ນຊິໄປນໍາກົ້ນຊາດໃດ. ຄໍາເຄົ້າ ແຕ່ລະຄໍາກ່ອນຈະຖືກນໍາມາໃຊ້ແມ່ນໄດ້ຜ່ານການແປງ, ປ່ຽນ, ແຜງມາເປັນຄໍາລາວໂດຍສົມບູນແບບ, ເພາະສະນັ້ນຖ້າຈະຍັງຮັກສາ ສະກົດຕາມເຄົ້າໄວ້ ມັນກໍ່ຄືບໍ່ຕ່າງຫຍັງກັບຫລັກການຂຽນພາສາຂອງ ຊາດເພື່ອນບ້ານທີ່ເຄີຍປົກຄອງລາວມາກ່ອນ.  ແຕ່ຊາດລາວບໍ່ແມ່ນເມືອງຂຶ້ນຂອງຊາດໃດອີກແລ້ວ... ນີ້ຄືແນວຄຶດ ແລະຈຸດຢືນຂອງບັນພະບຸລຸດເຮົາ ຜູ້ທີ່ມີສ່ວນປະກອບສ້າງ ໄວຍາກອນລາວ ເຊັ່ນ: ຍາພໍ່ສົມຈີນ ປ.ງິນ, ມະພາ ສິລາ ວິລະວົງ, ລຸງພູມີ ແລະນັກປາດອາຈານຫລາຍທ່ານ.

ປສ 2000