ວິທີວິໄຈບັນຫາ
ເມື່ອມີບັນຫາກໍຕ້ອງມີຂໍ້ແກ້.
ທຸກໆບັນຫາສາມາດແກ້ໄຂໄດ້ຖ້າເຮົາຢາກຈະແກ້.
ວິທີແກ້ໄຂບັນຫາແຕກຕ່າງກັນ ຂຶ້ນຢູ່ກັບການເບິ່ງບັນຫາຂອງແຕ່ລະບຸກຄົນ.
ສອງຄົນເບິ່ງບັນຫາດຽວກັນ ແຕ່ເຫັນບັນຫາຕ່າງກັນ.
ນັ້ນກໍເປັນເພາະວ່າ ຄົນເຮົາມີແນວຄິດແຕກຕ່າງກັນ.
ມື້ນີ້ຂໍສະເຫນີບົດຄວາມ ກ່ຽວກັບວິໄຈບັນຫາ ແລະ ການສົນທະນາ.
ການສົນທະນາມີຫລາຍປະເພດ,
ແຕ່ສະເພາະມື້ນີ້ຂໍຍົກປະເພດສົນທະນາເພື່ອແກ້
(ບໍ່ແມ່ນແກ້ແນວອື່ນເດີ,
ຫ້າມຄິດເລິກ…ອິອິໆ
ຫ້າມບໍ່ທັນແລ້ວ ພັດວ່າ)
ແກ້ນີ້ ຫມາຍເຖິງແກ້ບັນຫາ.
ທຸກໆບັນຫາຍົກຂຶ້ນມາສົນທະນາກັນບໍ່ວ່າຈະເປັນບັນຫາສ່ວນຕົວ ຫລືບັນຫາສັງຄົມທົ່ວໄປກໍດີ,
ຖ້າເຮົານໍາໃຊ້ວິທີວິໄຈແບບມີຂັ້ນຕອນ ແລະສຳຄັນໃຫ້ມີເປົ້າຫມາຍ,
ການສົນທະນາກໍຈະເຮັດໃຫ້ເກີດຄວາມຮູ້,
ເກີດມີຄວາມຄິດໃຫມ່,
ແນວຄິດດີ,
ແລະ ໄດ້ຂໍ້ມູນດີໆມີປະໂຫຍດເຊິ່ງສາມາດນໍາໃຊ້ເປັນເຄື່ອງມືແກ້ໄຂບັນຫາ ນັ້ນໄດ້.
ເຂົ້າໃຈຢູ່ວ່າ ມີຫລາຍບັນຫາບໍ່ວ່າຈະເປັນບັນຫາສ່ວນຕົວຫລືສັງຄົມທີເຮົາອາດບໍ່ສາມາດແກ້ໄຂໄດ້,
ຍ້ອນສາຍເຫດໃດຫນຶ່ງ ເຊັ່ນການເມືອງ ຫລືສະພາບແວດລ້ອມ.
ແຕ່ນັ້ນກໍບໍ່ໄດ້ຫມາຍຄວາມວ່າການໃຊ້ວິທີວິໄຈ ບັນຫາຈະໄຮ້ປະໂຫຍດໃນກໍລະນີດັ່ງກ່າວ ເພາະ ຢ່າງນ້ອຍຂໍ້ມູນແລະແນວຄິດດີໆທີ່ໄດ້ມາສາມາດນໍາໃຊ້ ເປັນເຄື່ອງມືໃນການພັດທະນາຕົນເອງ ແລະ ຄອບຄົວ.
ນອກຈາກຜົນປະໂຫຍດດັ່ງກ່າວແລ້ວ ການສົນທະນາບັນຫາ ໂດຍມີລັກການ ວິໄຈ,
ມີຂັ້ນຕອນ ມີການຄົ້ນຄ້ວາ,
ເຂົ້າເລິກເກິ່ງເຖິງບັນຫາ
ຍັງຈະສ້າງຄວາມສຳຄັນ,
ຄວາມເລິກເຊິ່ງ,
ຄວາມດີເດັ່ນ,
ສ້າງຄຸນນະພາບ ແລະ ຂໍ້ຄວາມແນວຄິດວິທະຍາ,
ສ້າງພູມປັນຍາ ສາມາດດຶງດູດຄວາມສົນໃຈຂອງຜູ້ອ່ານຮວມທັງກຸ່ມສົນທະນາ ດ້ວຍກັນບໍ່ວ່າຈະເປັນນັກຮຽນ,
ນັກຄົ້ນຄ້ວາ,
ນັກວິຊາການ,
ນັກການເມືອງ,
ຄູບາອາຈານ ຫລືສາສດາຈານ ໆລໆ..
ອະທິບາຍມາຮອດນີ້ຫລາຍທ່ານກໍອາດຈະນັ່ງເກົາຫົວຄິດຢາກຖາມ:
ຢູ່ໃສວິທີວິໄຈ ຄືໄດ້ແຕ່ເວົ້າ ບໍ່ເຫັນອະທິບາຍໃຫ້ອ່ານແດ່…-_-
ໃຈເຢັນໆໄດ້ອ່ານແນ່ນອນ.
ຂໍອະທິບາຍສັ້ນໆ ເນາະ.
ວິທີວິໄຈບັນຫາທີນຳໃຊ້ກັນທົ່ວໂລກ:
1.
ເວລາຍົກບັນຫາຂຶ້ນມາສົນທະນາ ພະຍາຍາມ ຕັ້ງບັນຫາໃຫ້ ເປັນຄໍາຖາມ.
ເຫດຜົນກໍຄື ເຮົາຕ້ອງການຄຳຕອບ ບໍ່ຖາມແລ້ວຊິໄດ້ຄຳຕອບແນວໃດ?
ສຳຄັນ ເວລາເບິ່ງບັນຫາຕ້ອງຢືນຢູ່ຈຸດກາງ.
ບໍ່ອ່ຽງຊ້າຍອ່ຽງຂວາ.
2.
ບັນຫາ ທຸກບັນຫາ ກ່ອນຈະຍົກຂຶ້ນມາ ຕ້ອງຄົ້ນຄ້ວາສຶກສາ ຢ່າງຄັກແນ່ ວ່າ ມັນແມ່ນບັນຫາຫລືບໍ່?
ບາງສິ່ງບາງຢ່າງເຮົາຄິດວ່າເປັນບັນຫາ ອາດບໍ່ແມ່ນບັນຫາກໍມີ.
ເຫັນມາຫລາຍແລ້ວ
-_-
3.
ທຸກບັນຫາ ແມ່ນມີຕົ້ນປາຍສາຍເຫດ.
ຕ້ອງຄົ້ນຄ້ວາວິໄຈຫາ ສາຍເຫດຢ່າງຄັກແນ່
4.
ຍົກຂໍ້ເສຍ,
ຈຸດອ່ອນ ຫລືຂໍ້ທີ່ວ່າເປັນບັນຫາ ມາວິໄຈ ມີຫຍັງແດ່.
ວິໄຈໄປຕາມລຳດັບ.
ຕັ້ງເປັນຄຳຖາມ.
ຜົນເສຍແນວໃດ?
ເປັນຫຍັງຈຶ່ງວ່າເສຍ?
ເສຍສໍາລັບໃຜ?
ໆລໆ…
5.
ຫລາຍສິ່ງຫລາຍຢ່າງທີຄິດວ່າເປັນບັນຫາຈະມີຂໍ້ໄດ້ຫລືຂໍ້ດີປະປົນຢູ່ນຳ.
ເພາະສະນັ້ນ ຕ້ອງວິໄຈຂໍ້ດີ ໄປພ້ອມ.
ຜົນດີມີຫຍັງແດ່ຕ້ອງ ຍົກຂຶ້ນມາວິໄຈ,
ຕັ້ງເປັນຄຳຖາມ.
ດີແນວໃດ?
ເປັນຫຍັງຈຶ່ງວ່າດີ,
ດີສະເພາະໃຜ?
ໃຜເປັນຜູ້ໄດ້ຮັບຜົນດີ ໆລໆ…
6.
ຍົກເອົາຜົນເສຍຫລືຜົນຮ້າຍຜົນດີມາຊັ່ງຊາກັນ.
ໄດ້ເສຍຮ້າຍດີ ນ້ອຍຫລາຍປານໃດ?
ຖ້າດີຫລາຍກວ່າຮ້າຍ ໄດ້ຫລາຍກວ່າເສຍກໍຖືວ່າບໍ່ແມ່ນບັນຫາໃຫຍ່.
ຖ້າຄົ້ນພົບວິທີແກ້ໄຂກໍແກ້ໄຂໄປຕາມນັ້ນ.
ຖ້າບໍ່ມີກໍຕ້ອງເບິ່ງບັນຫາອື່ນໄປເລື້ອຍໆ.
ບາງທີບັນຫາອາດຕໍ່ເນື່ອງມາຈາກ ບັນຫາອື່ນໆ.
ສະຫລຸບກໍຄືບໍ່ວ່າສິ່ງໃດຫລືກິດຈະກຳໃດໆກໍຕາມ ຖ້າຜົນໄດ້ ຜົນດີມີຫລາຍກວ່າຜົນເສຍ ຕາມຍຸດທະສາດດ້ານພັດທະນາສັງຄົມຖືວ່າພັດທະນາໄດ້ດີຫລາຍ.
ຫລືຖ້າເປັນກິດຈະກໍາສ່ວນຕົວ ກໍຖືວ່າດີທີ່ສຸດແລ້ວ.
ບໍ່ວ່າຈະເປັນບັນຫາສັງຄົມຫລືສ່ວນຕົວເຮົາຕ້ອງເບິ່ງບັນຫາລວມ.
ໄດ້ສາມເສຍຫນຶ່ງ ຖືວ່າຍົກໂປ້ແຖມກ້ອຍໄດ້ເລີຍ,
ສາຍເຫດກໍຄື:
ຈະເຮັດໃຫ້ຖືກໃຈຫມົດທຸກຄົນ,
ເປັນໄປບໍ່ໄດ້! -_-
ປສ 2015
ປສ 2015
No comments:
Post a Comment