ເລຶ່ອງສັ້ນ: ຝັນແປກ

ເລຶ່ອງສັ້ນ ຝັນແປກ:
ຄືນນີ້ຝັນແປກ, ຝັນວ່າມານັ່ງເອົາມືຄໍ້າແກ້ມຢູ່ກ້ອງຕົ້ນໄມ້ຄົນດຽວ, ຢູ່ໃສບໍ່ຈື່ ແບບສີຫນ້າເສົ້າໆ. ນັ່ງດົນເຕີມກໍ່ມີຍົມພິບານບິນມາຢືນຈຶກຢູ່ຕໍ່ຫນ້າ ແລ້ວເວົ້າວ່າ:
ຍົມພິບານ: ເອິ…ເຈົ້າບໍ່ຕ້ອງເປັນຫ່ວງເລຶ່ອງປີນຕົ້ນຍິ້ວເດີ. 3:)
ປສ: ໂທດ…ທ່ານເວົ້າຫຍັງ ຂະນ້ອຍ ບໍ່ເຂົ້າໃຈ :-O
ຍົມພິບານ: ເລຶ່ອງປີນຕົ້ນຍິ້ວ >:O
ປສ: ອ້າວ…ແລ້ວກ່ຽວຫຍັງກັບຂະນ້ອຍ o.O
ຍົມພິບານ: ຍັງວ່າ…ກະເວົ້າໃຫ້ຟັງເພາະເຫັນມີຊື່ໃນບັນຊີ :-O
ປສ: ຮື…ຂະນ້ອຍຄືວ່າ ບໍ່ເຄີຍຫລິ້ນຊູ້ສູ່ເມຍເພິ່ນ ນ່າາ. :-D
ຍົມພິບານ: ເອີ ນາ…ເຕືອນໄວ້ໃຫ້ຮູ້.
ປສ: ແລ້ວບໍ່ໃຫ້ຂະນ້ອຍເປັນຫ່ວງ ເລຶ່ອງຫຍັງລະ?
ຍົມພິບານ: ຄືວ່າ ບໍ່ຕ້ອງຫ່ວງ ເພາະດຽວນີ້ຫນາມມັນຫ້ຽນຫມົດແລ້ວ.
ປສ: ອ້າວວ…ຄືວ່າຈັ່ງຊັ້ນ :/
ຍົມພິບານ: ຍັງວ່າຫັ້ນຕີ້…ຫລັງໆ ມານີ້ມີກຸ່ມເຖົ້າຫົວງູພາເມຍນ້ອຍເມຍເລັກເມຍປາຍ ພາບ ສາມພາບສີ່ ມາປີນ, ຫນາມມັນເລີຍຫ້ຽນ. >:O
ປສ: ໂອ້…ກໍາເວນ. ວ່າແຕ່ວ່າ ຂໍໃຫ້ທ່ານກວດບັນຊີຄືນໃຫມ່ໄດ້ບໍ່? ຫລົງຄົນຕີ້. ຊື່ປສ ມີຫລາຍກໍ້.
ຍົມພິບານ: ເອີ…ແລ້ວຈະໃຫ້ເຂົາກວດຄືນໃຫ້. ໄປລະ, ມາເລົ່າສູ່ຟັງຊື່ໆ. ແລ້ວຂໍຝາກບອກເມຍ ເຈົ້າແດ່ ວ່າຕົ້ນຍິ້ວມັນຫ້ຽນແລ້ວ. ບອກລາວບໍ່ຕ້ອງເປັນຫ່ວງ.
ປສ: ຮື…ແລ້ວກ່ຽວຫຍັງກັບເມຍ ຂະນ້ອຍ?!?
ຍົມພິບານ: ເອີ ນ່າ…ເລົ່າສູ່ຟັງ ກະຍັງວ່າ….ໄປລະ, ແວ໋ບບ! 3:)

ພໍເວົ້າສຸດຄວາມປັບກໍ່ຫາຍແວ໋ບໄປໄວບໍ່ຊ້າ, ເລີຍບໍ່ຮູ້ຄໍາຕອບຊໍ້າວ່າ ຕົ້ນຍິ້ວຫ້ຽນກ່ຽວຫຍັງກັບເມຍເຮົາ. ສ່ວນໂຕເອງກໍ່ສວດຕື່ນຂຶ້ນທັນທີ. ພໍຮູ້ເມື່ອມາກໍ່ງວກໄປເບິ່ງເມຍນອນຢູ່ທາງຂ້າງ. ຂ້ອງໃຈຄໍາເວົ້າຂອງຍົມພິບານ ເລິີຍຄຶດຢາກປຸກເມຍມາຖາມ ແຕ່ບໍ່ກ້າເພາະເຫັນລາວນອນຫລັບໂກນຊອດໆ. ຄົນນອນລັບແຊບນົວແບບນັ້ນຊິປຸກ ກໍ່ຕ້ອງມີເຫດຜົນສໍາຄັນບໍ່ຫລາຍກໍ່ເຕີບຫນຶ່ງພຸ້ນແຫລະ. ແລ້ວເຫດຜົນເຮົາເດ? ຊິບອກລາວວ່າຈັ່ງໃດ? “ເມຍເອີຍ ຂ້ອຍປຸກເຈົ້າ ເພາະມີຄໍາຖາມ ຄືວ່າ ຂ້ອຍຝັນວ່າ ໄດ້ລົມກັບ ຍົມພິບານ… “ ຄຶດວ່າພໍກ່າວຮອດນີ້, ບໍ່ທັນສຸດຄວາມ, ຢ້ານ ຖືກຢັນຕົກຕຽງດັງອຶບບາດຫນຶ່ງຢູ່. ເອົາເປັນວ່າມື້ຫນ້າໂອກາດມີຄ່ອຍຖາມ….ແຕ່ ໂອ້ຍຍຍ, ທ່ານຍົມພິບານເຈົ້າເອີຍຍ ຊິຫາຍແວ໋ບໄປກະບໍ່ຫາຍແວ໋ບໄປລ້າໆແດ່ນໍ້, ມາເວົ້າໃຫ້ຄຶດແທ້. ອຶດຫລັບອຶດນອນຍ້ອນ. >:O

ປສ 2013