ມືດຕຶບຂໍຂຶ້ນຫ້ອງຮຽນ

ເອື້ອຍຄູເອີຍ...ມືດຕຶບບໍ່ຢາກເຂົ້າປໍຫນຶ່ງ, ຂະນ້ອຍຂໍເຂົ້າປໍສາມໄດ້ບໍ່.

ມືດຕຶບເຂົ້າຮຽນຢູ່ປໍຫນຶ່ງມາໄດ້ກາງປີກໍ່ຢາກຂໍຂຶ້ນຫ້ອງຮຽນ. ຫາວ່າປໍຫນຶ່ງສູດຮຽນບໍ່ແຂງພໍ.
ມືດຕຶບບໍ່ສົມກັບປໍຫນຶ່ງຄວນຊິໃຫ້ຂ້າມຫ້ອງໄປຮຽນປໍສາມຜຸ້ນ. ອີກຢ່າງເອື້ອຍຄູປໍ
ຫນຶ່ງກະບໍ່ມັກມືດຕຶບ. ຫາວ່າມືດຕຶບເປັນເດັກຂີ້ສໍ້ຕໍ່ແຫລມັກຍົກເອົາຄໍາຖາມ
ເຣື່ອງກະແລ່ມມາຖາມຢູ່ເລີ້ຍໆເຮັດໃຫ້ເອື້ອຍຄູ ອັບອາຍຂາຍຫນ້າລູກສິດຫມົດ.
ອາທິດທີ່ແລ້ວກໍໃຫ້ຄະແນນມືດຕຶບລົບສູນພຸ້ນ..ມືດຕຶບບໍ່ຍອມຂໍຂຶ້ນຫ້ອງຮຽນໄດ້ບໍ່?
ມືດຕຶບຮ້ອງໄຫ້ຂຶ້ນຫມົດແຮງ.
ເອື້ອຍຄູ: ເປັນຫຍັງອີກເດນໍມືດຕຶບ, ເຈົ້ານີ້ຫາເຣື່ອງໃຫ້ເອື້ອຍຄູເຈັບຫົວທຸກມື້ນໍ?
ມືດຕຶບ: ຂະນ້ອຍຢາກຂຶ້ນຫ້ອງໄປປໍສາມ.
ເອຶ້ອຍຄູ: ເປັນຫຍັງລະ..ຄືຢາກໄປຮຽນປໍສາມພຸ້ນ. ຊິຮຽນໄດ້ຢູ່ບໍ?
ມືດຕຶບ: ຮຽນໄດ້..ບໍ່ເຊື່ອລອງສອບຖາມວິຊາຄວາມຮູ້ມືດຕຶບກະໄດ້.
ເອື້ອຍຄູກໍເຫັນດີນໍາຂໍ້ສເນີຂອງມືດຕຶບ. ອີກຢ່າງມັນເປັນໂອກາດດີຊິໄດ້ແກ້ແຄ້ນມືດຕຶບ.
ທີ່ອາທິດແລ້ວນີ້ມັນເອົາເຣື່ອງກະແລ່ມມາສໍ້ເອື້ອຍຄູຈົນອັບອາຍຂາຍຫນ້ານັກຮຽນຫມົດ, ມື້ນີ້ເອື້ອຍຄູຊິແກ່ແຄ້ນມັນໃຫ້ສົມໃຈແຫລະ, ເວົ້າແລ້ວເອື້ອຍຄູກໍຮ້ອງເອົາ ອາຈານໃຫຍ່
ມາເປັນພິຍານໃຫ້, ວ່າມືດຕຶບຊິເກັ່ງແທ້ຫຼືບໍ່. ພໍອາຈານໃຫຍ່ມາຮອດ ເອື້ອຍຄູກໍ່ເລີ້ມຖາມເລີຍ,
ຈາກວິຊາປະວັດສາດ, ແລ້ວກໍຕໍ່ໃສ່ພູມມີສາດ. ທຸກຄໍາຖາມທຸກວິຊາມືດຕຶບກໍ່ຕອບຖືກຫມົດ.
ເອື້ອຍຄູກໍຈົນປັນຍາຫມົດແນວຊິຖາມແທ້. ເຮັດແນວໃດເອື້ອຍຄູຊິແກ້ແຄ້ນມັນໄດ້ນໍ?
ມັນກະຫາກເກັ່ງແທ້ຄືຄວາມມັນວ່າ. ແຕ່ແນວໃດມັນກະຕອບຄໍາຖາມຕໍ່ໄປນີ້ບໍ່ຖືກແນ່ນອນ,
ເອື້ອຍຄູຫລົງຍິ້ມຢູ່ໃນໃຈແລ້ວຖາມອີກວ່າ:
ເອື້ອຍຄູ: ແມ່ນຫຍັງ, ມືດຕຶບ..ທີ່ວ່າໂຕງົວມັນມີສີ່ອັນແຕ່ຜູ້ຍິງມີສອງອັນ?
ມືດຕຶບ: ຂາ…ເດີ ຂະນ້ອຍ.
ເອື້ອຍຄູ: ຄັນຊັ້ນຢູ່ໃນໂສ້ງຜູ້ຊາຍມີຫຍັງທີ່ວ່າຜູ້ຍິງບໍ່ມີ.
ມືດຕຶບ: ກະຖົງໂສ້ງທາງຫລັງຫັ້ນເດ…ແລ້ວເອຶ້ອຍຄູຄຶດວ່າແມ່ນຫຍັງ?
ເອື້ອຍຄູຫລຽວເຫັນອາຈານໃຫຍ່ມີສີຫນ້າແດງເຮັດເປັນຢືນຍິ້ມຢູ່ເລີຍຖາມ: ເປັນຫຍັງອາຈານ?
ອາຈານ: ປໍສອງປໍສາມບໍ່ຕ້ອງໄປເວົ້າເຖີງ..ໃຫ້ມັນຂຶ້ນປໍສີ່ໄປເລີຍສະ, ຄໍາຖາມສອງຄໍາຖາມຫວ່າງກີ້ນີ້ອາຈານຕອບຜິດຫມົດ…

ປສ 2005