ສາມສ່ຽວໄປທ່ຽວ ທະເລ

ສາມສ່ຽວ ຍິປຸ່ນ, ຈີນແລະລາວໄປທ່ຽວທະເລ

 

ມື້ນຶ່ງສາມສ່ຽວ, ສ່ຽວຍິປຸ່ນ, ຈີນ, ແລະ ລາວໄປທ່ຽວທະເລ, ໄປຮອດກໍຂີ່ເຮືອອອກໄປກາງທະເລເພື່ອ ຊົມວີວທີວທັດອັນແສນງາມຕາມທຳມະຊາດ. ພໍຂີ່ໄປຮອດຈຸດຫນຶ່ງເຮືອກໍ່ເລີ້ມຮົ່ວທໍາທ່າທໍາທາງຊິຫລົ້ມ. ສາມສ່ຽວກໍ່ເປັນອັນກາງວົນໃຈຢ່າງໃຫຍ່. ພາກັນຕົກອົກຕົກໃຈຢ້ານຈົມນໍ້າຕາຍບໍ່ເຫັນຫນ້າລູກເມຍແທ້ແລ້ວບາດນີ້, ຈຶ່ງພາກັນຫາວິທີແກ້ໄຂ. ສ່ຽວຍິປຸ່ນທີ່ເປັນຄົນສະລາດກ່ວາຫມູ່ແດ່ລຸກຢືນຂຶ້ນປຸບປັບທັນທີ “ເຮືອຫນັກຫລາຍສ່ຽວເອີຍ,” ເວົ້າແລ້ວກໍໂຍນຊັບສິນສິ່ງຂອງທີ່ໂຕເອງເອົາ ມານໍາເປັນຕົ້ນເຄື່ອງ ອິເລັກໂທນິກ ແລບທອບ, ຊີດີ, ວີຊີດີ, ເຄື່ອງສາຍວິດີໂອ, ກ້ອງຖ່າຍຮູບ ແລະ ອື່ນໆຖິ້ມລົງນໍ້າຫມົດ. ສ່ຽວຈິນສ່ຽວລາວເຫັນກໍໄດ້ແຕ່ແກ່ວງຫົວ ເສຍດາຍນຳເຄື່ອງຂອງເລົ່ານັ້ນ. “ບໍ່ຕ້ອງເປັນຫ່ວງຢູ່ປະເທດ ຍິປຸ່ນພຸ້ນຍັງມີຫລາຍ,” ສ່ຽວຢິປຸ່ນເຫັນກໍເລີຍຕອບແບບມີທ່າທີອວດສະແດງວ່າປະເທດຂອງ ໂຕເອງຮັ່ງມີໃນສິ່ງເລົ່ານີ້.

ສ່ຽວຈີນເຫັນເປັນດັ່ງນັ້ນກໍ່ໂຍນເຄື່ອງເຂົ້າຂອງທີ່ໂຕເອງເອົາມານຳຖິ້ມຄືກັນເປັນຕົ້ນ: ແລະທອບປອມ, ຊີດີ ປອມ, ວີຊີດີ ປອມ, ດີວີດີ ປອມ ເສັ້ນຫມີ່ແຫ້ງ, ເສັນເຂົ້າປຸ້ນ, ແລະ ໄມ້ທູ່ ລົງນໍ້າ. ແລ້ວກໍບອກສ່ຽວວ່າ, “ບໍ່ຕ້ອງຫວ່ງຢູ່ປະເທດຈີນພູ້ນຍັງມີຫລາຍ.” ແຕ່ເຮັດແນວໃດເຮືອກໍຍັງຊິຫລົ້ມ ຊິຈົມຢູ່ຄືເກົ່າ. “ພວກເຮົາຊິຕາຍເປັນ ຜີທະເລກັນແລ້ວສ່ຽວເອີຍ, "ຝາກບອກເມັຽເຮົາແດ່ເດີວ່າເຮົາຮັກລາວຫລາຍ” ສ່ຽວຍິປຸ່ນຮ້ອງໄຫ້ຂຶ້ນຫມົດແຮງ. ສ່ຽວລາວຫລຽວຫນ້າຫລຽວຫລັງບໍ່ຮູ້ຈັກ ຊິເຮັດແນວໃດດີ. ຊອກຫາສິ່ງຂອງຊິໂຍນຖິ້ມກະບໍ່ມີນຳຫມູ່. "ກູຊິເຮັດແນວໃດດີນໍບາດນີ້" ສ່ຽວລາວນັ່ງຄິດເປັນກະວົນກະວາຍ. ພໍຄິດອອກໄດ້ກໍຢັນສ່ຽວຈີນລົງນໍ້າ. ສ່ຽວຈີນລອຍນໍ້າບໍ່ເປັນກໍຈົມ. ສ່ຽວຍິປຸ່ນເຫັນກໍຕົກສເງີ້ປາກບໍ່ອອກ, ເຮັດອ້າປາກຈ່ອງປ່ອງຢູ່. “ບໍ່ຕ້ອງເປັນຫ່ວງດອກຢູ່ລາວຍັງມີຫລາຍ” ສ່ຽວລາວເລີຍຕອບ.

ປສ 2006