ເລຶ່ອງສັ້ນປະກອບສຸພາສິດທີ່ວ່າ: ຢາກຂ້າເພິ່ນຫຼາຍໂຕຕາຍ.
ທ້າວຈ່ອຍນັ່ງແຍງຈອກເຫຼົ້າຢູ່ໃນບາດົນເຕີບ, ຈັບຈອກຂຶ້ນມາ ແລ້ວກໍ່ວາງ,
ແບບຈັບວາງຈັບວາງ ຊິກິນກໍ່ບໍ່ກິນຊິຖອກຖິ້ມກໍ່ບໍ່ຖອກ
ນັ່ງເຮັດເປັນຄໍເຕີ່ຍເຕະເຊະເຮັດໜ້າເສົ້າຄືຄົນຫມົດຊີວິດຊີວານີ້ລະ,
ນັ່ງເອົາມືລູບໆຄໍາໆຈອກເຫຼົ້ານັ້ນຢູ່ຄົນດຽວ. ບາງເອີນມີນັກເລງ
ອັນຕະພານຄົນຫນຶ່ງຊື່ທ້າວ ຊ້າງ, ເຫັນທ້າວຈ່ອຍນັ່ງຢູ່ຄົນດຽວ
ກໍຍ່າງເຂົ້າໄປຍາດເອົາຈອກເຫຼົ້າທ້າວຈ່ອຍ ແລ້ວກໍດື່ມກຶກເອົາ ຈົນຫມົດຈອກ.
ຈ່ອຍເຫັນກໍຮ້ອງກ໊າກໆຂຶ້ນຫມົດແຮງ, "ເຈົ້າຢາກຕາຍວະຄືເຮັດຈັ່ງຊັ້ນ, ຕາຍແລ້ວ!" ທ້າວຊ້າງເລີຍຕອບ:ຊ້າງ: ໂທ້...ໝໍນີ້ນັກເລງຄືກັນຕົ່ວນິ. ແລ້ວມືງຊິເຮັດຫຍັງໃຫ້ກູຮະ? ຊິຂ້າກູວະ? ລຸກຂຶ້ນມາແມ້ຄັນເກັ່ງນະ, ມາເລີຍ!!
ຈ່ອຍ: ບໍ່ແມ່ນແນວນັ້ນອ້າຍ, ຂ້ອຍບໍ່ເກັ່ງບໍ່ເກິ່ງຫຍັງດອກ. ຄືວ່າຂ້ອຍຢາກຮ້າຍເຈົ້າມາຍາດກິນເຫຼົ້າຈອກດຽວຂອງຂ້ອຍທີ່ຈະ ເຮັດໃຫ້ຂ້ອຍພົ້ນທຸກໄດ້. ຂ້ອຍມານັ່ງກິນເຫຼົ້າຢູ່ນີ້ເພາະສົງສານ ໂຕເອງ, ຈັ່ງແມ່ນຂ້ອຍຊວຍແທ້ຊວຍວ່າ. ມື້ເຊົ້ານີ້ຂ້ອຍນອນລືມຕື່ນ, ໄປປະຊຸມຊ້າຫົວຫນ້າເລີຍໄລ່ຂ້ອຍອອກການ. ຍ້ອນຟ້າວຫລາຍ ຢ້ານບໍ່ທັນປະຊຸມ, ລືມລ໊ອກປະຕູລົດ. ເຂົາລັກໄປຈ້ອຍ. ຖືກໄລ່ອອກການ ລົດຈະຂີ່ກັບເຮືອນກະບໍ່ມີ, ຈ້າງລົດຕຸກຕຸກເມືອ ກະໄປລືມກະເປົາເງິນໄວ້ລົດຕຸກຕຸກ. ເມືອຮອດເຮືອນ, ໄຂປະຕູເຂົ້າໄປ, ເມຍກະນັ່ງເຕັງທ້ອງອີ່ລຸງຂ້າຍກະແລ່ມຂ້າງບ້ານຢູ່. ໂອ້ຍໆ..ຊິວິດນໍຊິວິດ!!
ທ້າວຊ້າງໄດ້ຍິນເປັນຈັ່ງຊັ້ນກໍເລີຍໃຈອ່ອນ.
ຊ້າງ: ເປັນລູກຜູ້ຊາຍອົກສາມສອກຕ້ອງສູ້ແມ້ ໝໍນີ້ຊິມານັ່ງໄຫ້ອາໄລຫຍັງຢູ່ນີ້, ສໍ່າເມຍສໍ່າວຽກສໍ່າລົດອິຮ້າງ ກັບກະເປົາເງິນແວບ ຫາເອົາໃຫມ່ກະໄດ້. ຢ່າສຸໄປນ້ອຍໃຈເລີຍບັກນ້ອງຊາຍ. (ຊ້າງພະຍາຍາມປອບໃຈທ້າວຈ່ອຍ)
ຈ່ອຍ: ບໍ່ໃຫ້ນ້ອຍໃຈຈັ່ງໃດອີກ, ກີ້ນີ້ຂ້ອຍວ່າຊິກິນຢາພິດໃນຈອກເຫຼົ້າໃຫ້ຕາຍເປັນຂີ້ກະເດືອນໃຫ້ມັນແລ້ວສະ, ເຈົ້າກະດັນມາກິນຂອງຂ້ອຍຈົນໝົດ…ໂອ້ຍ...ຈັ່ງແມ່ນຂ້ອຍຊວຍຕາຍແທ້ມື້ນີ້ນະ. (ຈ່ອຍໄຫ້…ກ໊າກ ກ໊າກ ຂຶ້ນຫມົດແຮງ) ພ້ອມສຽງດັງ ຕື່ງງງງງ…ສຽງທ້າວຊ້າງລົ້ມຫງາຍເງິບຂາຊີ້ປ່າງງ່າງ, ຕາເຫຼືອກສົບບ້ຽວມີງໍສັກງັກໆ.
ເລຶ່ອງສັ້ນເລຶ່ອງນີ້ໃຫ້ຄະຕິເຕືອນໃຈເຮົາວ່າ ບາງຄັ້ງເຮົາຄິດວ່າ ເຮົາຊວຍທີ່ສຸດໃນໂລກແຕ່ຍັງ ມີຫລາຍຄົນອາດຊວຍກວ່າເຮົາກໍ່ມີ ເຊັ່ນ ທ້າວຊ້າງນັ້ນແລ…ອີກປະການສອງເຮົາຕ້ອງເຂົ້າໃຈ ຄົນເຮົາແຕ່ລະຄົນເກີດມາໃຊ້ຊີວິດແຕ່ລະມື້ບໍ່ແມ່ນ ເລຶ່ອງງ່າຍດາຍ,ແຕ່ລະຄົນກໍລ້ວນແຕ່ດິ້ນ ລົນສູ້ຊົນຜ່ານຜ່າ ອຸປະສັກເຫື່ອຍ້ອຍໜ້ານໍ້າຕາຜ່າເບົ້າ ເຊື່ອຊິມີຊີວິດລອດເປັນຄົນສູ້ໃນມື້ໜ້າຕໍ່ໄປ. ສະນັ້ນແລ້ວຢ່າໄດ້ຄິດຂົ່ມເຫັງເຕັງເຕັກກັນເລີຍ, ຢ່າໄດ້ເປັນຄົນອັນຕະພານຫາກໍ່ເຫດເພິ່ມເຕີມ ຄວາມທຸກໃຈໃຫ້ກັບຄົນອື່ນເລີຍ, ເກີດເປັນຄົນຄວນໃຊ້ ຊີວິດໃຫ້ມັນຄຸ້ມຄ່າທີ່ເກີດເປັນຄົນ, ຢ່າກະທໍາຊົ່ວ ຢ່າຫວັງທໍາລາຍຄົນອື່ນ ບໍ່ຊັ້ນກໍຈະກາຍ ເປັນດັ່ງສຸພາສິດກ່າວໄວ້ ຫວັງຂ້າໝູ່ຫຼາຍໂຕຕາຍ ນັ້ນແລ.
🤔
ປສ.
No comments:
Post a Comment